| lala's profileLALA's private room - En...PhotosBlogNetwork |  Tools  Help |
|
February 16 APM + 糖水唔知去邊就出左APM行. 再行去官塘既垃圾年宵所謂既市場!
一去到. "各位市民,我地10分鐘後會熄燈,請各位盡快離開~ (笑爆)
可能個陣11:50分la~ 但都冇奶油咁早收架ma~ (痴鬼線)
之後去左食糖水就back home la~~~ (無無聊聊既一晚)
PS: APM確實係靚呀下~ (好多好多豬豬豬豬豬豬豬豬豬豬豬豬豬豬豬le)  February 14 HappyValentine'sDay今日係情人節~ 對我同KV 黎講亦一樣係情人節le~ (婚後既第一個情人節)
 o係早幾日我地去食左飯lu (唔駛到正日先食ma, 又貴又唔底...)
我地
 左入TaiPo Market既小白鷺呀~ 個度我只去過BBQ, 不過原來...入面仲有間好靚既餐廳~ (真係食環境呀) 底要咁既價錢! 靚景加好味道野! 正~
(唔好問幾錢,有心去既你/妳都一定會鍾意le) 好味道!!!!
Thanks老公帶我去一間咁靚既餐廳食飯heeeehe
 ~ PS: But  後補吖喂~~~ 最後le: 願天下間既情侶.情人節快樂&忠誠眷屬 February 13 有人派帖琴晚終於等到la~ 又係我地聚聚時間!
好開心呀,大家久唔久出黎一次聚會,咩都傾呀果然~~~
好鬼高興收到嘉欣既帖~ 果然同我咩都拍住一齊上呀! 正~
同kyan既經歷真係太似lu~ 真係我細妹咁~ 咩都似. 係冇你咁正同fit ar~
224 must到la~ 頂你. 唔係HK都即返黎呀! (點敢唔到
)PS: 如果KV返工就真係... zipzip la~ haha!!! (我會問佢. 盡量OK)
好傾好玩好癲好開心既一晚! Thanks U so much 嘉 ~February 12 迎接新年琴晚同老公同我地屋企人食完飯後,齊齊去花墟係咁二睇下花... and
買買心水既野黎迎接新既一年~ YEAH
我地都買左兩盆花黎種下玩下~
就係"蝴蝶蘭" and 出紫花既"風信子" (希望會種到你地出花迎接大年初一le)
hehehe~ 原來le自己對種花淋水都幾有興趣~ 屋企又可懶靚lu haha!
琴晚買既
 ~~~  PS:四家姐盆水仙好靚le~ (可以分DD俾我就好lu) 團年飯SAT 公司團年飯~ 去左順德中心上海料理le (好味道真係一流)
非常之熱鬧le~ 個個都好心急地等抽獎!!!
正呀~ 而我都抽到架Panasonic按摩器~~~ (舒服死le)
(Yeah,今年同上年都抽到獎...唔知係咪代表有運行le??? hehe
)點都恭喜晒Ada(抽到隻大大金金肥豬呀) 果然今年當旺呀,
又結婚又行運~ 死婆吖  勁勁勁呀! (痴多D你先,再俾D運我)February 08 二月八日 (星期四)Today is 08Feb.2007 THU 好快已差不多三年lu
JoeLai~ Happy Birthday le
 ~ 每一年都會記得~ (唔多講lu,在心中)今日唔知典解真係好開心.可能JoeLai生日啦...又或者就黎新年啦,新既一年la ma~
想開開心心.唔開心野真係唔想記得~ (唸下今年有咩做plan定好過la)hehe~
今日個個都要入去高層房照照肺,正常既~ (有雙糧)鬧都底啦~ YEAH!!!
真係開心既一日,夜晚又同老公
出去食飯慶祝下! wakaka (今晚我請客"好少可")亦要開始清清我台面上唔要既野啦~ 真係一年一次大掃除le! 迪迪仔...唔該晒啦喎,呵呵!
2月8日07,真係好開心既一日~~~ 正 February 06 香薰油香薰油. 真係唔知道自己幾時愛上le陣香味~~~
maybe做SPA時同俾人推油時...愛上左!
自然亦開始問人而去購買喇~ 返到Home...and 林訓個陣...
又會點點佢... (真係好訓D & 成個人Relax左咁, 好正le)
不過原來點香薰仔都唔平架... 用完又要去女人街買lu~~~ YEAH
~ 最愛: 青蘋果同佛手柑個陣味(真係唔買唔得呀) 時間.琴晚得知一位好友... 同佢另一半發生左問題!
而我聽完... 只可以講兩個字"可惜",因為佢地大家拍拖已過十一年...
既然大家唸野唔同左, 倒不如決斷D...講清楚好過 (因為時間甘本唔等於D乜野)
當然兩個人既事. 做朋友既只會聽...
其實每個人都會隨住時間.階段同生活而不繼改變! 有好多野變左就係變左,
人係有感情既. 變左亦好正常
記得有位好友亦講過:
人唔變至奇怪, 問題係會變成點者...
能認識係緣份, 所以先至會珍惜. 但無緣既也不用強求.
友誼同愛情le 根本無得免強. 真係唔駛太執著呀!
講既往往真係好易, 做一定好難.係好很難 ...
當然~ 人會有唔開心同開心既時間, 唔開心亦好正常, 但唔好太執著便可!
PS: 打得呢篇野,唔係代表我好叻,好有經驗...等等~
不過我都係過來人le. 聽過好友教既野亦唔少 (好友年紀個個比我大)真係教到我野!
希望"你"亦會明白當中既道理~ "你"快D解決現有既問題. 我就隨時候命le~ hehehe
想做就做la! When dinner le... 等"你"~ ^v^ 團年啦,開開心心 February 05 睇戲同現場一樣琴晚SUN... family dinner中,真係有驚冒險le...
話說我地又去左火炭食開既大排檔,個陣around 8:45pm la,都幾多人下
點知我地食食下...後面黎左班人,八個25-30幾既o靚仔 la, 仲有3幾條大漢, 1位女仕,
唔知典解,我同mami雖然係背隻對住佢地,不過我真係好驚下... 因為聽晒佢地既對話,
對話中真係黑底之人,唔係D流四朋友只講粗口唔做個隻扮勁王...
因為當中有句大漢問個o靚仔...幾時有呀. 收到未呀. 個男仔話冇. 對唔住
但對唔住完仲要俾大漢問候娘親,仲話捉佢娘親出黎打...(我同mami聽到好驚),
不過我地食緊野...有個大漢亦同我地講. 冇野既. 唔駛驚. 唔會搞到你地... then.. 繼續食...
食食下. 個男仔.. 唔知又俾人問話時, 只寸左個大漢一句者...
個大佬真係衝去打佢,再用力拉個男仔頭髮扯佢拖佢去埋一二角.....................(好驚呀)
我地只係坐佢地隔離, 真係咩都聽到晒. 不過又唔望, 係扯個男仔個下.. 先望到
因為個大佬衝過去時...踢到mami張椅子... mami都好驚,我地梗係唔嘈la.. (未死過咩)
好迫真呀. 真係睇戲一樣, 個女人都唔野少,可以叫D兄弟繼續食飯. 當睇唔到
不過... 大佬拖個男仔出去途中, 係撞跌晒大排檔既玻璃杯, 台台登登... 真係好可怕
好唔明D人為乜. 有正行唔做. 係都要... 咁.. 仲俾人always向自己屋企人問候
再嘈又點點點對你屋企人... 嘩 (型到le).
朋友當中~ 成日扮大佬粗口滿天飛個咋. 要學;真係全面D la..往往得個講字扮勁... 有用????
anyway提心吊膽既一餐美味飯!!! Thanks KV February 01 OT完見到城城琴晚OT都7:30pm,真係好少可...(因為我一向6點收工)已經遲左la.. 我收5:30pm既
放工之後同個同事睇下野. 再行返去MTR station, 日日放工都係咁行冇特別,
但琴晚條街冇乜人,可能7:30pm la. 中環人散晒...
無啦啦見到間花店仲著燈既(因為平時close左). 仲見到個型男.Aaron Kwok同桃花影相
原來影梗magazine or poster野~ hahahaha~ 真係好型呀. 我同同事冇理咁多. 掂行掂過...
點知城城行左出黎係門口到影...同我地真係好近,then...我當然同天王say個Hi la..
佢真係笑住hi~ (真係好nice下).唔知係咪佢心情靚le? hahaha
不過le...如果個刻我唸係安仔既話... 我唸我會開心D.真係會同佢拍照留個念le? hehe |
|
|
